मोरङमा एउटै परीक्षा केन्द्रबाट ५२ जना एसईईका परीक्षार्थी पक्राउ
प्रकाशित : २०७९ चैत २३ गते १०:०९
मोरङको एक विद्यालय शिक्षा परीक्षा (एसईई) को केन्द्रबाट ५२ जना परीक्षार्थी पक्राउ परेका छन् ।
नक्कली परीक्षार्थीको आशंकामा ग्रामथान गाउँपालिका-२ मा रहेको सरस्वती माध्यमिक विद्यालय परीक्षा केन्द्रबाट ५२ जनालाई नियन्त्रणमा लिइएको प्रहरीले जनाएको छ । उनीहरू सामाजिक विषयको परीक्षा दिंदै थिए ।
‘आज ५२ जना शंकास्पद परीक्षार्थीलाई नियन्त्रणमा लिएका छौं, भेरिफाइ भइरहेको छ,’ उनले भने,‘ एउटाको नाममा अर्कैले परीक्षा दिएको भेटिएपछि नियन्त्रणमा लिएर अनुसन्धान गर्दैछौं ।’
शंकास्पद ५२ जनालाई नियन्त्रणमा लिएको प्रहरीले यो संख्या घटबढ हुनसक्ने बताएको छ ।
प्रकाशित : २०७९ चैत २३ गते १०:०९
Facebook Comment