बौदीकाली मोटरसाइकल दुर्घटनामा घाईते ईस्लामीको मृत्यु
प्रकाशित : २०८० पुष १८ गते ७:०४
कावासोती । बौदीकाली गाउँपालिकाको वडा नं १ मचेडीमा मंगलबार भएको मोटरसाइकल दुर्घटनामा घाईते भएका रनबहादुर ईस्लामीको मृत्यु भएको छ ।
दुर्घटनामा परेर मोटरसाइकलको पछाडि बसेका बौदीकाली-२ का रनबहादुर ईस्लामीको मृत्यु भएको हो भने मोटरसाइकल चालक बौदीकाली-३ बस्ने खिमबहादुर ठाडा घाईते भएका हुन ।
डेढगाउँ बाट कालीगण्डकी करिडोर हुँदै कावासोती आउदै गरेको लु ४६ प २३८१ नं.को मोटरसाइकल बौदीकाली-१ मचेडीमा बिजुलीको पोलमा ठोक्किएर दुर्घटनामा परेको थियो ।
दुर्घटनामा घाइते भएका दुवै जनालाई मध्यविन्दु जिल्ला अस्पताल ल्याईएकोमा ईस्लामीलाई चिकित्सकले मंगलबार साँझ मृत घोषणा गरेका थिए ।
प्रकाशित : २०८० पुष १८ गते ७:०४
Facebook Comment