संयुक्त राष्ट्र संघको मानव अधिकार परिषदको सदस्यमा नेपाल पुनः निर्वाचित
प्रकाशित : २०७७ असोज २८ गते ७:५९
२८ असोज, काठमाडौँ । संयुक्त राष्ट्र संघको मानव अधिकार परिषदको सदस्यमा नेपाल पुनः निर्वाचित भएको छ । संयुक्त राष्ट्र संघको मुख्यालय न्यूयोर्कमा मंगलबार राति भएको मतदानमा नेपाल निर्वाचित भएको हो ।
सन् २०१८ देखि नेपाल संयुक्त राष्ट्र संघको मानव अधिकार परिषदको सदस्य रहँदै आएको छ । मतदानमा नेपालले १५० भोट प्राप्त गरेको थियो । अब सन् २०२३ सम्म नेपाल यसको सदस्य रहने छ ।
एसियाबाट नेपालसहित चीन, पाकिस्तान र उजबेकिस्तान निर्वाचित भएका छन् । निर्वाचनमा सहयोग गर्ने सबैमा परराष्ट्रमन्त्री प्रदीपकुमार ज्ञवालीले धन्यवाद दिएका छन ।
प्रकाशित : २०७७ असोज २८ गते ७:५९
Facebook Comment