कुमारवर्ती क्याम्पसमा क्याम्पस प्रमुख सुवेदी  र प्राध्यापक सुनारद्वारा छात्रवृत्ति अक्षयकोष स्थापना

शारदा झेडी मगर ।

नवलपरासी बर्दघाट सुस्ता पुर्ब नवलपुरको कावासोतीमा रहेको कुमारवर्ती बहुमुखी क्याम्पसको ३७ औ बार्सिकोत्सब तथा अभिभावक दिवस  कार्यक्रम सम्पन्न भएको छ । क्याम्पस संचालक समितिका अध्यक्ष महेन्द्र प्रसाद पोख्रेलको अध्यक्षतामा सम्पन्न कार्यक्रममा गण्डकी प्रदेश सभासद् बिन्दु पौडेल प्रमुख अतिथि रहनु भएको थियो । सभासद् पौडेलले राजनीति गर्नेहरुले पार्टी भन्दा माथी उठेर बिकास कार्यमा लाग्नु पर्नेमा जोड दिनुभयो  । उहाले आफ्नो जिवनकालमा धेरै क्याम्पस, स्कुल,मठ मन्दिर निर्माणमा योगदान दिएको समेत बताउनुभयो ।

शिक्षा ऎन निर्माणका क्रममा   आफुले अब पाठ्यक्रममा नैतिक शिक्षा समाबेश गर्नुपर्ने आफ्नो धारणा राखेको बताउनु भयो ।

यस्तै कार्यक्रमकै बिच क्याम्पस प्रमुख गुरु प्रसाद सुवेदी र सह प्राध्यापक झब बहादुर सुनार द्वारा  छात्रवृत्ति  अक्षयकोष स्थापना गर्नुभएको छ । क्याम्पस प्रमुख सुबेदीले आफ्ना  स्वर्गीय  बुवा उदयराज सुबेदीको स्मृतिमा रु २ लाख १ हजार १ सय १ रुपैयाँको उदयराज सुबेदि स्मृति छात्रवृत्ति अक्षयकोष स्थापना गर्नुभएको हो भने सह प्राध्यापक झब बहादुर सुनारले स्वर्गीय आमाबुवा  राम बहादुर सुनार र क्वारी सुनार एवं आफ्नी स्वर्गीय  धर्म पत्नी सुमित्रा सुनारको स्मृतिमा राम बहादुर सुमित्रा सुनार स्मृति छात्रवृत्ति अक्षयकोष स्थापना गर्नुभएको हो ।  सुनार २७ वर्षको लामो समय सेवा   गरि  मङ्गलबार  अनिवार्य अवकाश प्राप्त समेत गर्नुभएको छ ।

कुमारवर्ती बहुमुखी कलेजको ३७ औं वार्सिकोत्सब तथा अभिभावक दिवसको  अवसर पारी अक्षयकोष स्थापना गर्नुभएको हो । यो समेत गरि क्याम्पसमा अक्षयकोषको संख्या १० वटा पुगेको छ । कार्यक्रममा क्याम्पसले आयोजना गरेको विभिन्न बिधाका खेलकुद, साहित्यिक रचना, सर्बोत्कृस्ट नतिजा ल्याउन सफल बिद्यार्थी , अनुशाशित ,जेहेन्दार बिद्यार्थी  र प्राध्यापक, कर्मचारीहरुलाई  सम्मान तथा पुरस्कृत गरिएको थियोे । कार्यक्रममा बिद्यार्थीहरुले आफ्ना प्रस्तुति समेत  दिएका थिए ।