पिकनिकबाट फर्किदा बेपत्ता भएकी विपनाको शव फेला
प्रकाशित : २०८१ कार्तिक १६ गते ७:४०
कावासोती । गत सोमबार तनहुँको बन्दिपुरबाट पिकनिक खाएर फर्किने क्रममा बेपत्ता भएकी मध्यविन्दु-४ लुसलहरी कि १९ वर्षीय विपना चौधरीको शव फेला परेको छ ।
पिकनिकबाट फर्किने क्रममा शौच गर्न भनि बसबाट झरेकी बिपना नारायणघाट मुग्लिङ सडकको तीन नं पुलबाट बेपत्ता भएकी थिइन । बेपत्ता भए पछि खोजी सुरु गरिएकोमा बिहिबार मध्यविन्दु-१५ स्थित नारायणी नदिमा विपनालाई मृत फेला पारिएको नवलपुर प्रहरीले जनाएको छ । नदिमा शव फेला परे पछि प्रहरीले उक्त शव मध्यविन्दु जिल्ला अस्पताल ल्याएको थियो । विपनाका हजुरबुवा सितारामले विपनाको सनाखत गरेको प्रहरीले जनाएको छ ।
मध्यविन्दुको कोल्हुवामा रहेको कुमारवर्ती माध्यमिक विद्यालय कक्षा १२ पढने विपना गत सोमबार शिक्षक र साथीहरू सँगै तनहुँको बन्दिपुर पिकनिक गएकी थिईन । पिकनिकबाट फर्किने क्रममा शौच गर्न झरेकी उनि त्रिशुलीमा खसेकी थिइन ।
Facebook Comment