बलेरो दुर्घटनामा १० जना घाइते
प्रकाशित : २०७८ फागुन ३० गते १४:१८
भरतपुर । भरतपुर प्रेमबस्तीनजिक बलेरो गाडी सडक छेउमा पल्टिएको छ । आज बिहान भएको सो दुर्घटनामा १० जना सामान्य घाइते भएका छन् ।
प्रेमबस्तीबाट भरतपुरतर्फ आइरहेको प्राइम केबलको ग ३ च ७२७० नम्बरको बलेरो गाडी पल्टिएको प्रहरीले जनाएको छ । प्रहरीका अनुसार सडकमा रहेको कुकुरलाई ठक्कर दिएपछि बलेरो आफै अनियन्त्रित भई पल्टेको हो । बलेरोमा सवार चालकसहित १३ जना मध्ये १० जना सामान्य घाइते भएका छन् । सबै घाइतेको उपचार चितवन मेडिकल कलेज भरतपुरमा उपचार भइरहेको छ ।
सामान्य घाइतेहरुमा स्याङजा बिरुवा ३ बस्ने वर्ष ३७ को तुमबहादुर राना, पर्वत कुस्मा १४ बस्ने वर्ष २२ को दिनेश क्षेत्री, वर्ष २४ को बिशाल विक गुल्मी सत्यवती–६ बस्ने वर्ष २२ को सरोज भण्डारी, पर्वत कुस्मा ८ बस्ने वर्ष १८ को सुन्दर विक, सोही ठाउँका वर्ष २६ को विशाल गुरुङ सामान्य घाइते भएका छन् । यस्तै, बलेरोमा सवार पर्वत कुस्मा ८ बस्ने वर्ष २१ को अशोक क्षेत्री, सोही ठाउँका वर्ष २० को सुनिल सुना, वर्ष २१ को कृष्णबहादुर विक र स्याङजा बिरुवा ३ बस्ने वर्ष २६ को धिरज सारुमगर घाइते भएका छन् ।
Facebook Comment