विश्वकप क्रिकेट लिग २ : नेपाल र अमेरिका खेल्दै

NAWALPUR TIMES
प्रकाशित : २०८१ कार्तिक १७ गते १०:४७
विश्वकप क्रिकेट लिग २ : नेपाल र अमेरिका खेल्दै

कावासोती । आईसीसी विश्वकप लिग २ क्रिकेट अन्तर्गत जारी त्रिकोणात्मक श्रृंखलामा आज नेपाल र अमेरिकाबीच खेल हुँदैछ ।

यो खेल नेपाली समय अनुसार राति ९ः१५ बजेदेखि अमेरिकाको डालासस्थित ग्राण्ड प्रेरी स्टेडियममा शुरु हुनेछ ।

जारी श्रृंखलामा नेपालले २ खेलमा एक हार र एक जित हासिल गरेको छ भने अमेरिकाले ३ खेलमा २ हार र एक जित हासिल गरेको छ ।

अमेरिकाले यस श्रृंखलाको पहिलो खेलमा नेपाललाई पराजित गरेको थियो भने स्कटल्याण्ड विरुद्धका दुवै खेलमा हार बेहोरेको थियो । त्यस्तै अमेरिकाविरुद्ध हार बेहोरेको नेपालले स्कटल्याण्डलाई पराजित गरेको थियो ।

लिग २ मा अहिलेसम्म अमेरिका ११ खेलमा १४ अंक हासिल गर्दै दोस्रो स्थानमा छ भने नेपाल १० खेलमा ५ अंकसहित सातौँ स्थानमा छ ।

प्रकाशित : २०८१ कार्तिक १७ गते १०:४७
Copyright © 24 Integreated Media Company Pvt. ltd., All Rights Reserved.
Website by: SAROJ BHATTARAI