नवलपुरको मध्यविन्दुमा पोथी गैँडा मृत फेला
प्रकाशित : २०८१ कार्तिक ५ गते १८:१०
कावासोती। नवलपुरको मध्यविन्दु-१२ मा पोथी गैंडा मृत फेला परेको छ ।
अन्दाजी ३/४ वर्षको पोथी गैँडा अरुणखोला दोभानमा मृत अवस्थामा फेला परेको चितवन राष्ट्रिय निकुञ्जका सुचना अधिकारी अविनाश थापा मगरले जानकारी दिए ।
उक्त गैँडा जंगलमा अर्को गैँडासँग जुध्दा घाइते भएको थियो । त्यही चोटका कारण गैँडा मरेको प्रारम्भिक अनुसन्धानले देखाएको मगरले जानकारी दिए । उक्त गैँडाको खाग र खुर सुरक्षित रहेको जनाईएको छ ।
यो सँगै चालु आवमा मृत्यु हुने गैँडाको संख्या ७ पुगेको सूचना अधिकारी मगरले जानकारी दिए । ७ मध्य ६ वटा प्राकृतिक कारण र एउटा करेन्ट लागेर मरेको हो ।
प्रकाशित : २०८१ कार्तिक ५ गते १८:१०
Facebook Comment