हात्तिको आक्रमणबाट सौराहामा एक जनाको मृत्यु
प्रकाशित : २०८१ असोज १७ गते २१:०७
कावासोती । चितवन राष्ट्रिय निकुञ्जको हात्तीको आक्रमणबाट एक जना माउतेको मृत्यु भएको छ । पसलबाट सामान लिएर सौराहा स्थित खोरसोरमा जाने क्रममा आज(विहिवार)साँझ सात बजे जंगली हात्ती गोविन्देको आक्रमणबाट हरिपुर नगरपालिका ६ सर्लाहीका ३४ वर्षिय जग्दु सिंहको मृत्यु भएको हो ।
‘बाहिरबाट सामान किनेर दुई जना खोरसोर नजिकको पुल क्रस गरेर आउँदै हुनुहुँदो रैछ । सिमलको रुखमा लकेर बसेको गोविन्दे हात्तीले आक्रमण गर्दा साँझ सात बजे एक जना कर्मचारीको मत्यु भयो’- चितवन निकुञ्जका प्रमुख डिलबहादुर पुर्जा पुन मगरले भने ।
उनी पछुवा पदमा कार्यरत थिए । पछिल्लो समय सिंह कतार पठाउन लागेको हात्ती खगेन्द्रप्रसादको रेखदेखमा खटिँदै आएको उनले बताए । अर्का एक जना भने भागेर बाच्न सफल भएको उनले जानकारी दिए ।
प्रकाशित : २०८१ असोज १७ गते २१:०७
Facebook Comment