संसद्मा ओलीको तीन घण्टा
प्रकाशित : २०७९ जेठ १२ गते १४:५७
काठमाडौं । नेकपा एमालेका अध्यक्ष केपी शर्मा ओलीले सरकारको नीति तथा कार्यक्रममाथि झन्डै तीन घण्टा बोलेका छन् । बिहीबारको प्रतिनिधिसभा बैठकमा नीति तथा कार्यक्रममाथिको छलफल क्रममा ओलीले प्रारम्भमा आफ्ना धारणा राखेका हुन् ।
बिहान करिब ११ः१५ मा रोस्टममा पुगेका ओलीले सुरुवाताम नै सभामुखसमक्ष आफू अस्वस्थ रहेको भन्दै बसेर बोल्ने अनुमति मागेका थिए । रोस्टममा बसेर दिउँसो २ बजेसम्म निरन्तर बोलेका ओलीले चुनावको समीक्षादेखि नीति तथा कार्यक्रममा विविध विषयमा आफ्नो धारणा राखे । सो क्रममा ओली स्थानीय निर्वाचनमा सत्ता पक्षले जनतालाई धम्क्याएको, बम पड्काएको र निष्पक्षरूपमा चुनाव नगरेको आरोप लगाए ।
सम्बोधनका क्रममा ओलीले सत्तापक्ष नेपाली कांग्रेस र सत्तारुढ गठबन्धनका नेताहरूमाथि कटाक्ष गर्न भ्याए । ओलीले नीति तथा कार्यक्रम खल्लो भएको टिप्पणी गरेका छन् । एमालेले कार्यक्रम ल्याउँदा देश सक्ने भयो भनेर तर्सिएको भन्दै अहिले उनले आकाशबाट जुन तारा नै खसाउँछ होला भन्ने लागेको भन्दै कटाक्ष पनि गरे । तर, एमालेका कार्यक्रमहरू दोहोर्र्याइएको उनको भनाइ छ
Facebook Comment