सिटौला समूहको सहयोगमा बागमती प्रदेशमा देउवा पक्षीय बानियाँ विजयी
प्रकाशित : २०७८ मंसिर १९ गते २१:५८
नेपाली काँग्रेसको बागमती प्रदेश सभापतिमा शेरबहादुर देउवा पक्षीय इन्द्र बानियाँ विजयी भएका छन् । कृष्ण सिटौला पक्षसमेतको सहयोगमा बानियाँ प्रदेश सभापतिमा विजयी भएका हुन् ।
आइतबार राति सम्पन्न मतगणनाअनुसार सभापतिका प्रत्यासी रामचन्द्र पौडेल पक्षका जगदीश्वरनरसिंह केसी पराजित भएका छन् । केसीलाई बानियाँले १५० बढी मतले हराएका छन् । निर्वाचन समितिले विजेताको ओपचारिक घोषणा केहीबेरमा गर्नेछ ।
पहिलो चरणको निर्वाचनमा तीन उम्मेदवारबीच प्रतिस्पर्धा हुँदा कसैको पनि ५० प्रतिशत बढी मत प्राप्त नभएपछि शीर्ष दुई मत ल्याउने केसी र बानियाँबीच दोस्रो चरणमा प्रतिस्पर्धा भएको थियो । पहिलो चरणको मतदानबाट सबैभन्दा कम मत ल्याएका भीमसेन दास प्रधान रिङ आउट भएका थिए । सिटौला समूहका उनले त्यसपछि बानियाँलाई समर्थन गरेका थिए ।
आइतबार दिनभर भएको मतदानमा २०२५ मत खसेको थियो भने त्यसलगत्तै मतगणना सुरु भएको थियो ।
प्रकाशित : २०७८ मंसिर १९ गते २१:५८
Facebook Comment