चितवन । चितवनको राप्तिमा एउटा घरमा आगलागी हुँदा दुईजना बालवालिकाको जलेर मृत्यु भएको छ ।
राप्ती नगरपालिका वडा नम्बर १ मैनाटार स्थित जित बहादुर रुम्बाको घरमा शनिबार बिहान करिव १० बजे आगलागी भएको थियो ।
आगलागीमा परि जित बहादुरको छोरातर्फको नाति ३ वर्षीय सुरज रुम्बा र उनकै छोरितर्फको ३ वर्षीय नातिनी मनिसा तामाङको जलेर मृत्यु भएको प्रहरीले जनाएको छ ।
आगलागीबाट घर र घरमा भएको लत्ताकपडा, खाद्यान्न, भाडाकुँडा पुर्ण रुपमा जलेर नष्ट भएको छ । सोलारको ब्याट्री सर्ट भएर आगलागी भएको अनुमान गरिएको छ ।
प्रकाशित : २०७८ मंसिर १२ गते १२:१५
Facebook Comment