नवलपुरमा आज देखि भौतिक उपस्थितीमा पठनपाठन सुरु
प्रकाशित : २०७८ भदौ २७ गते ११:४७
राजु चापागाई(राज)/नवलपुर ।
नवलपुरका अधिकांश विद्यालयहरुमा आज देखि भौतिक उपस्थितिमै विद्यालयहरुमा पठनपाठन शुरु भएको छ ।
कोरोना महामारीका कारण भएको निषेधाज्ञाले वैशाख १२ देखि बन्द रहेका विद्यालयहरु खुलेका हुन् ।
जिल्ला कोभिड–१९ सङ्कट व्यवस्थापन केन्द्र नवलपुरले जिल्लाका स्थानीय तहको स्वीकृतिमा शिक्षण संस्थाहरूले विद्यार्थीको भौतिक उपस्थितिमा पठनपाठन सुचारु गर्न सक्ने निर्णय गरेसँगै भौतिक उपस्थितिमा विद्यालयहरू सञ्चालन हुने भएका हुन् ।
जिल्लाका ८ वटा स्थानीय तह मध्य बुलिङटार गाउँपालिकाले गत भदौ १० गते बाटनै भौतिक उपस्थितीमा विद्यालय सन्चालन गरेको थियो । गैडाकोट नगरपालीकामा भदौ २८ बाट र देवचुली नगरपालिकाका विद्यालयहरु असोज १ गतेबाट सन्चालनमा आउने भएका हुन भने अन्य स्थानिय तहहरुमा आजैबाट विद्यालयहरु सन्चालनमा आएका छन ।
कम विद्यार्थी भएका विद्यालयहरुमा १० देखि ४ बजे सम्म र धेरै विद्यार्थी भएका विद्यालयहरुमा सिफ्ट बनाएर कक्षा सन्चालन गर्ने गरि विद्यालय सन्चालन सुरु गरिएको कावासोती नगरपालीकाका शाखा अधिकृत राजन पाण्डेले जानकारी दिए ।
Facebook Comment