चितवनमा गोली लागेर युवकको मृत्यु
प्रकाशित : २०७८ साउन ७ गते १३:३६
चितवन । चितवनको भरतपुरमा टाउकोमा गोली लागेका एक युवक मृतावस्थामा फेला परेका छन् ।
भरतपुर महानगरपालिका–१७ मानसिंह चोक नजिकै रहेको सिमडाँडा खेतको नहरमा टाउकोमा गोली लागेका एक युवक मृतावस्थामा फेला परेको हो ।
अन्दाजी ३० वर्षका युवकको शव फेला परेको जिल्ला प्रहरी कार्यलय चितवनले जनाएको छ । उनको टाउकोमा गोली लागेको घटनास्थल नजिकै रगत र गोलीको खोकासमेत भेटिएको छ ।
बिहान बाटोमा हिड्नेहरुले घटना थाहा पाएपछि प्रहरीलाई खवर गरेका थिए । घटना स्थालमा मृत ब्यक्तिको पहिचान हुन सकेको छैन । शवको अहिले मुचुल्का उठाई पोष्ट मार्टमको लागी भरतपुर अस्पताल ल्याईएको छ । घटनाको बारेमा अनुसन्धान गरिरहेको प्रहरीले जनाएको छ ।
प्रकाशित : २०७८ साउन ७ गते १३:३६
Facebook Comment