तीन दिनको मौसम पूर्वानुमान : अधिकांश ठाउँ सफा रहने

काठमाडौं। देशका पहाडी भू-भागको मौसममा अहिले आंशिकदेखि सामान्य मात्र बदली रहेको छ ।

आज दिउँसो प्रदेश १, गण्डकी र प्रदेश ५ मा सामान्य बदली रही थोरै स्थानहरूमा हल्का वर्षा तथा बाँकी प्रदेशहरूमा आंशिक बदलीको सम्भावना रहेको जल तथा मौसम विज्ञान विभागले जनाएको छ।

त्यस्तै भोलि प्रदेश १, २, बागमती, गण्डकी र प्रदेश ५ मा सामान्य बदली रही थोरै स्थानहरूमा हल्का पानी पर्ने अनुमान गरिएको छ।

मौसम पूर्वानुमान महाशाखाका अनुसार १५ असोजमा पनि यी पाँच प्रदेशका केही स्थानमा मात्र हल्का वर्षाको सम्भावना छ।