गण्डक ब्यारेजमा महिलाको शव फेला
प्रकाशित : २०८१ साउन ३ गते १८:४७
कावासोती । विनयी त्रिवेणी गाउँपालिका-७ स्थित नेपाल-भारत सिमानाको गण्डक ब्यारेजमा शव फेला परेको छ ।
नारायणी नदी किनारमा अन्दाजी ३०/३५ वर्षको जस्तो देखिने महिलाको शव फेला परेको हो । शवको सनाखत नभएकाले अनुसन्धान सुरु गरिएको प्रहरीले जनाएको छ ।
यसैबीच नारायणीमा छ दिनमा २० वटा शव फेला परेको छ । भेटिएका शवमध्ये १४ वटाको सनाखत भएको छ भने ६ वटा शवको पहिचान खुलेको छैन ।
जिल्ला प्रहरी कार्यालय नवलपुरका डीएसपी बेदबहादुर पौडेलका अनुसार १५ वटा शव नवलपुर, ४ वटा चितवन र १ वटा पश्चिम नवलपरासीमा भेटिएको हो । भेटिएका अधिकांश शव चितवनको सिमलतालमा भएको दुर्घटनामा परेका यात्रुहरु छन् ।
प्रकाशित : २०८१ साउन ३ गते १८:४७
Facebook Comment