कविता : “बा”
प्रकाशित : २०८१ वैशाख ३१ गते १८:३४
राजन पाण्डे-
” बा ”
म भित्र..
बगेको रगत,
अडेको संस्कार,
गढेका सपनाहरु,
र
सिकेका संघर्षहरु,
सबै
बा कै कण हुन्
बा कै कथा हुन् ।।।
मैले,
काधमा चढेर छातिमा खुट्टा राख्दा
अझै माथि चढ्न मलाई शक्ति र विश्वास भर्ने मेरा बा,
मेरा लागि अनेक हुन्,
लक्ष्यको वाटो हुन्।
उर्वरताको माटो हुन् ।
उत्प्रेरणाको लहरा हुन् ।
सहनसिलताको पहरा हुन् ।
मलाई जिताउन आँफु पटक-पटक खुसीसाथ हार्ने प्राणी हुन् ।
आफ्नो गास कटाएर, हाँसो हटाएर समपर्णले वाच्ने गाथा हुन् ।
बा……
विहान ढले पछि दिन,
दिन ढले पछि साँझ,
साँझ ढले पछि रात भए जस्तै ।
आज आँफै बा भएर,
बा लाई सम्झिरहेकोछु……..।
( हार्दिक श्रद्धासुमन बा 🙏)
प्रकाशित : २०८१ वैशाख ३१ गते १८:३४
Facebook Comment