नेपाल पुलिस क्लब राईनो संरक्षण गोल्डकपको सेमिफाइनलमा
प्रकाशित : २०८० फागुन ३ गते १९:१२
कावासोती । विभागीय टोली नेपाल पुलिस क्लब नवलपुरको मध्यविन्दु-२ कोल्हुवाको राईनो रंगशालामा जारी छैटौं राईनो संरक्षण गोल्डकपको सेमिफाईनलमा प्रवेश गरेको छ ।
बिहिबार सम्पन्न दोस्रो क्वाटरफाईनलमा अर्को विभागिय टोली एपीएफलाई २-०ले हराउदै नेपाल पुलिस क्लब प्रतियोगिताको सेमिफाइनलमा पुगेको हो ।
गत माघ २७ गतेबाट जारी १२ टोली सहभागी प्रतियोगितामा बुधबार देखि क्वाटरफाईनलका खेल सुरु भएका हुन । भोलि ए डिभिजन क्लब मच्छिन्द्र क्लब र गण्डकी प्रदेश बिच तेस्रो क्वाटरफाइनल हुनेछ ।
प्रतियोगिताको विजेताले उपाधिसहित नगद ८ लाख हात पार्नेछ भने उपविजेताले ४ लाख प्राप्त गर्नेछ ।
प्रतियोगिताको सर्वोत्कृष्ट खेलाडीले २० हजार रुपैयाँ प्राप्त गर्ने तथा सर्वाधिक गोलकर्ताले १० हजार र म्यान अफ द म्याच हरेक खेलमा ५ हजार रुपैयाँ प्राप्त गर्नेछन् ।
प्रकाशित : २०८० फागुन ३ गते १९:१२
Facebook Comment