कविता : “म”
प्रकाशित : २०८० भदौ ७ गते १६:१९
राजन पाण्डे
“म”
अक्षर “म”।
शब्द पनि “म”।
नाम “म”। सर्वनाम “म” ।
हर चिज को रचना “म”।
हर चिज को खटनपटन को प्रणाली र संरचना “म” ।।
जीवनको प्रस्थान र अन्त्यसम्मको परिधी पनि “म”।
जगतलाई हेर्ने आँखीझ्याल पनि “म” ।
आफूबाहेक अरुलाई देख्ने “म” ।
आफूलाई छेक्ने, अरुलाई सेक्ने “म”।
गर्न जान्ने “म” ।
मलाई मन पर्ने मात्र छान्ने “म” ।
म को स्वार्थका लागि अरुलाई छानिछानी हान्ने “म”।।
जीत “म” को होस् ।
हित “म” को होस् ।
सान “म” को होस् ।
मान “म” को होस् ।
यही आराधना गर्ने म ।
जान्ने “म” ।
सुन्ने “म” ।
उचाई ” म” ।
श्रेष्ठता “म” ।
राम्रो पनि “म” ।
…..…………
…………..
………….
……….
सबैभन्दा बढी “म” को दास “म”
(लेखक कावासोती नगरपालिकाका शिक्षा शाखाका शाखा अधिकृत हुन ।)
प्रकाशित : २०८० भदौ ७ गते १६:१९
Facebook Comment