नेपाल दोस्रो खेलमा युएई सँग खेल्दै
प्रकाशित : २०७८ माघ २९ गते ९:५७
नवलपुर । ओमानमा जारि चार देश सम्मिलित टि-२० अन्तर्राष्ट्रिय सिरिज अन्तर्गत आज नेपालले आफ्नो दोश्रो खेलमा युएईसंग प्रतिस्पर्धा गर्दैछ। नेपालले पहिलो खेलमा शुक्रबार आयोजक ओमानलाई ६ विकेटले पराजित गरेको थियो। युएईले आज पहिलो खेल खेल्दैछ।
नेपाल र युएई बीचको खेल अल अमिरात क्रिकेट मैदानमा हुनेछ। खेल नेपाली समय ११:४५ बजे सुरु हुनेछ। खेलको प्रत्यक्ष प्रशारण नेपालमा हिमालय टिभीले गर्नेछ भने युट्युबमा OsrSports तथा दराज एप बाट समेत हेर्न सकिनेछ। यस्तै फेसबुकमा Sports Eye तथा युट्युबमा CricTracker च्यानलबाट ( नेपाल बाहिर ) तथा सशुल्क फ्यानकोड एपबाट ( नेपाल बाहिर ) समेत प्रत्यक्ष प्रशारण हेर्न सकिने छ।
सिरिज अघि खेलिएको विश्वकप लिग-२ अन्तर्गतको एकदिवसीय अन्तर्राष्ट्रिय सिरिजमा युएईले ओमानलाई तिन मध्ये दुई खेलमा पराजित गरेको थियो भने एउटा खेल बराबरी भएको थियो। बलियो ओमानलाई पराजित गरेको युएई उच्च लयमा छ जसलाई रोक्नु नेपालको लागि सहज पक्कै हुनेछैन।
टि-ट्वान्टी अन्तर्राष्ट्रिय वरियतामा नेपाल १२ औं स्थानमा छ भने युएई १५ औं स्थानमा छ। दुई देश बीच हालसम्म तिन पटक टि-ट्वान्टी अन्तर्राष्ट्रियमा भेट भएको छ जसमा नेपाल दुई खेलमा तथा नेपाल एक खेलमा विजयी भएका छन्।
Facebook Comment