लाङघाली एकता समाजको नवौ वार्षिक साधारण सभा तथा पांचौ अधिबेशन सम्पन्न

कार्तिक २९
नवलपुरको कावासोती नगरपालिकामा रहेको लाड.घाली एकता समाजको नवौ वार्षिक साधारण सभा तथा पांचौ अधिबेशन सम्पन्न भएको छ ।
शनिवार कावासोती नगरपालिका वडा नं ८ स्थीत समाजको आफ्‌नै भवनमा भब्यताका साथ साधारण सभा तथा अधिवेशन सम्पन्न गरेको हो ।
अधिबेशनले मुल समिती र महिला बिभाग समिती गरी दुई समिती चयन गरेको छ । मुल समिती अन्तर्गत नुतन थापामगरको अध्यक्षतामा ११ सदस्यीय समिती सर्वसहमतीमा चयन गरेको छ । जसको उपाध्यक्ष कमला राना मगर ख,सचिव देवबहादुर थापा, सहसचिव रामकुमार थापा, कोषाध्यक्ष टिकाराम थापा, सहकोषाध्यक्ष अशोक ताङनामी लगायतका सदस्यहरु रहेका छन ।
।
यसैगरि महिला बिभागतर्फ अध्यक्ष मनकुमारी थापा, सचिव शारदा झेडीमगर, सहसचिव हुमीसरा मिधुन लगायत अन्य सदस्यहरु चयन भएका छन । यसैगरी तिन सदस्यीय लेखा समिती समते चयन गरिएको छ जसको संयोजक हिरा मिधुन मगर र सदस्यहरुमा क्रमशः दलबहादुर रानामगर र खेमबहादुर थापा मगर चयन भएका हुन ।
निवर्तमान अध्यक्ष रामबहादुर रानाको अध्यक्षतमा संचालन भएको कार्यक्रममा प्रमुख अतिथी समाजसेवी कदमसिह तारुड. मगर प्रमुख अतिथी रहेका थिए । कार्यक्रममा समाजसेवी एवं समाजका सल्लाहकार कर्णेल धनबहादुर मास्की राना, छबिलाल राना, लुराकान्ता थापा, प्रेमबहादुर राना र लुम्बिनी आदर्श डिग्री कलेजका प्रिन्सीपल एवं समाजका पुर्व लेखा संयोजक बाबुराम रानाको बिशेष उपस्थीति रहेको थियो ।

यसैगरी समाजसेवी कर्णेल धनबहादुर मास्की रानाले समाजको लागि नगद रु ५० हजार,समाजसेवी एवं आजका प्रमुख अतिथी कदमसिह तारुड.मगरले नगद रु ४५ हजार र समाजसेवी लुराकान्ता थापा मगरले नगद रु १० हजार रुपैया प्रदान गर्नुभएको छ । लाङघाली एकता समाजले मगर समाजलाई एकिकृत राख्दै एकआपसमा सहयोग र सद्भाव कायम गरि सामाजिक उत्तरदायित्वलाई अंगाल्दै बिभिन्न अन्य समुदाय एवं गैर मगर समाजलाई पनि बिभिन्न समयमा आर्थिक एवं खादान्न सहयोग गर्दै आईरहेको छ ।