आइसीसी यू–१९ पुरुष विश्वकपको एसिया छनोटमा सिंगापुरविरुद्ध नेपालले २६१ रन बनायो

आइसीसी यू–१९ पुरुष विश्वकपको एसिया छनोट खेलमा नेपालले सिंगापुरपुर विरुद्ध २६१ रन बनाएको छ।

युएईको इर्डेन गार्डेन्स मैदानमा भएको खेलमा नेपालले टस जितेर पहिला ब्याटिङ गर्दै निर्धारीत ५० ओभरमा ७ विकेट गुमाएर २६१ रन बनाएको हो।

नेपालका लागि सबै भन्दा वढि आकाश त्रिपाठीले एक सय बलको सामना गरेर १ छक्का र  ७ चौक्का प्रहार गरी ७८ रन बनाए ।

त्यसैगरी विशाल विक्रम केसीले  ५४ बलमा २ छक्का र  ४ चौक्का संगै अविजित ६३ रन बनाए ।त्यसैगरी अर्जुन कुमालले ३७ रनको योगदान दिए । त्यसैगरी कप्तान देव खनालले २१, दिपक बोहोराले १७ र दिपक प्रसाद डुम्म्रेले १० रन बनाए ।सिंगापुरका लागि आर्यभिर चौधरी र अबुदय चाहजेरले दुई दुई विकेट लिए । त्यसैगरी आदित्य र महियुले एक एक विकेट लिए ।