देशभर मौसम बदली, पानी पर्ने सम्भावना

काठमाडौं : देशभर मौसम बदली भएको जल तथा मौसम विज्ञान विभागले जनाएको छ।विभागले मौसम बुलेटिन निकालेर सुदूर पश्चिम, कर्णाली, लुम्बिनी र गण्डकी प्रदेशका धेरै स्थानमा हल्का देखि मध्यम वर्षाको सम्भावना रहेको जनाएको छ।

यस्तै बाग्मती तथा प्रदेश नम्बर १ का थोरै स्थानमा पनि हल्का वर्षा हुने अनुमान विभागले गरेको छ। देशका उच्च पहाडी तथा हिमाली भूभागका धेरै स्थानमा हल्का देखी मध्यम हिमपातको सम्भावना रहेको छ।

अहिले सुदूरपश्चिम, कर्णाली र लुम्बिनी प्रदेशको पश्चिमी भूभाग लगायत बाँकी पहाडी भूभागको मौसम आंशिक देखि सामान्य बदली रहेको विभागले जनाएको छ। विभागका अनुसार अन्य भूभागमा मौसम सामान्यतया सफा रहेको छ।