भारतीय एसएसबीद्वारा सुस्तामा ड्रोनबाट सीमा अनुगमन
प्रकाशित : २०७८ कार्तिक २१ गते १४:५१
नेपाली भूभागमा ड्रोन उडाएको बारेमा स्थानीयले सुस्तामा रहेको प्रहरी चौकीमा खबर गरेपनि प्रहरीले उनीहरूलाई रोकेको छैन ।
नारायण शर्मा/पूर्वी नवलपरासी — सुस्तामा भारतीय सीमासुरक्षा बल एसएसबीले ड्रोनबाट सीमा अनुगमन गरेको छ । सुस्ता गाउँपालिका ५ को एक नम्बर ठोक्कर नजिकबाट उनीहरूले नेपालतर्फ ड्रोन क्यामरा उडाएर नापजाँंच गरेको स्थानीयले जानकारी दिए ।
सुस्तामा निर्माणाधीन झोलुंगे पुलदेखि नजिकमा बसेर अर्धसैनिक बलका एक दर्जन सुरक्षाकर्मीले नेपाली भुभागमा ड्रोन उडाएर फोटो खिचेको स्थानीय रामधनी कोइरीले टेलिफोनमा जानकारी दिए । उनीहरूले नेपाली भूभागको नक्सांकन गरेको हुनसक्ने स्थानीय बताउँछन् । सीमा क्षेत्रमा एसएसबीले पहिलोपटक त्यसरी ड्रोन उडाउने र नक्सांकन गरेको हाे ।
जिल्ला प्रहरी कार्यालय नवलपरासी पश्चिमले त्यहाँ भैरहेको गतिविधिका बारेमा प्रहरी पठाएर बुझ्ने जानकारी दियो । सुस्तामा सुरक्षाका लागि सईको कामाण्डमा नेपाल प्रहरीको चौकी छ भने प्रहरी निरिक्षकको कमाण्डमा सशस्त्र प्रहरीको टोली छ ।
( यो समाचार कान्तिपुर अन्लाइनमा छ )
Facebook Comment