गण्डकी प्रदेशमा वैशाख ३१ गते सार्वजनिक बिदा
प्रकाशित : २०७८ वैशाख ३० गते १६:०७
कावासोती । गण्डकी प्रदेश सरकारले ईदुल्लफितरका दिन वैशाख ३१ गते सार्वजनिक विदा दिएको छ । गण्डकी प्रदेश मन्त्रिपरिषदको २०७७ चैत १७ गतेको निर्णय अनुसार उक्त दिन विदाको निर्णय भएको आन्तरिक मामिला तथा कानुन मन्त्रालयका उप सचिव हिमालचन्द्र अर्यालले जनाएका छन् । उक्त निर्णय प्रदेश राजपत्रमा प्रकाशित भइसकेको छ ।
गण्डकी सरकारले २०७८ सालमा ५ दिन चाडपर्व विदाको निर्णय गरेको छ । चैते दसैंसँगै इद, पुस १५ गते तमु लोसार, माघ १९ गते सोनाम लोसार र फागुन १९ गते ग्याब्लो लोसारमा पनि विदाको निर्णय भएको छ । इदुल्लफितर जुन दिन पर्छ त्यसै दिन विदा हुने निर्णय अनुसार वैशाख ३१ गतेलाई बिदा दिईएको हो । प्रदेश सरकारलाई वर्षमा ७ दिन बिदा दिने अधिकार हुन्छ ।
प्रकाशित : २०७८ वैशाख ३० गते १६:०७
Facebook Comment