एउटै आहालमा आधा दर्जन गैंडा ( फोटो फिचर)

NAWALPUR TIMES
प्रकाशित : २०७७ चैत ४ गते ८:३९
एउटै आहालमा आधा दर्जन गैंडा ( फोटो फिचर)
एकसिंगे गैंडा प्राय एक्लै हिँड्छ । सँगै देखिने भनेको माउ बच्चा हुन् । तर मंगलबार मध्याह्न एउटा दुई वटा हैन आधा दर्जन अर्थात ६ वटा गैंडा एकै ठाउँमा भेटिए । गैंडाका लागि चरन जस्तै महत्वपूर्ण आहाल पनि हो । चितवन राष्ट्रिय निकुञ्जको पश्चिम क्षेत्रमा पर्ने नवलपुर तमासपुरको ठूलो पोखरा मध्यवर्ती सामुदायिक वनको पोखरी तालमा आहाल बस्न गैंडाहरु झुम्मिने गरेका छन् ।

एउटै आहालमा आधा दर्जन गैंडा ( फोटो फिचर) 15
एउटै आहालमा आधा दर्जन गैंडा ( फोटो फिचर) 16
तमासपुर रेञ्जपोष्टमा कार्यरत कर्मचारी र सुरक्षाकर्मीले कुनै बेला आठ वटासम्म गैंडा आहाल खेल्दै गरेको भेटेका छन् । सिनियर गेमस्काउट ललित मल्लका अनुसार वनमा पहिल्यैदेखि ताल थियो । दुई वर्षअघि मर्मत गरेपछि त्यहाँ गैंडाहरु झम्मिन थालेका छन् ।
एउटै आहालमा आधा दर्जन गैंडा ( फोटो फिचर) 17
एउटै आहालमा आधा दर्जन गैंडा ( फोटो फिचर) 18
एउटै आहालमा आधा दर्जन गैंडा ( फोटो फिचर) 19
निकुञ्जको सिमाना भन्दा झण्डै ६ किलो मिटर उत्तरमा सो ताल छ । निकुञ्जबाट निस्केर चर्दै चर्दै गैंडाहरु गर्मी बढेपछि आहाल बस्न त्यहाँ जाने गर्दछन् । सो ठाउँदखि पूर्व–पश्चिम महेन्द्र राजमार्ग झण्डै पाँच किलो मिटर उत्तरमा छ । सो ठाउँको वन क्षेत्रमा गैंडालाई मन पर्ने घाँस पनि छ । स्थानीयहरु पनि घाँस दाउराका लागि जंगल आउजाउ नगर्ने हैन । तर अन्यत्रको जस्तो हो हल्ला पनि नहुने र चर्नलाई घाँस, पिउन तथा आहाल बस्न घोल पनि भएका कारण गैंडाहरु त्यता जाने गरेका छन् । एकसिंगे गैंडा विश्वमा लोप हुन लागेको दुर्लभ वन्यजन्तु हो ।एउटै आहालमा आधा दर्जन गैंडा ( फोटो फिचर) 20
एउटै आहालमा आधा दर्जन गैंडा ( फोटो फिचर) 21
विसं २०७२ सालको बैशाखमा सार्वजनिक भएको गैंडा गणनाको नतिजा अनुसार देशभर ६४५ वटा एकसिंगे गैंडा छन् । सवैभन्दा बढी गैंडा चितवन राष्ट्रिय निकुञ्ज र यस आसपासको वन क्षेत्रमा छन् । त्यो बेला यो क्षेत्रमा ६०५ वटा गैंडा भेटिएका थिए । चोरी सिकारी र अन्य दुर्घटनाका कारण पछिल्लो समय गैंडाहरु धमाधम मर्न थालेका छन् । यसै गरी चितवन निकुञ्जको पूर्वी भन्दा पश्चिमी क्षेत्रमा गैंडाहरु बढी देखा परेका छन् । दुर्लभ वन्यजन्तु भएका कारण गैंडा मारेमा वा यसको अंगको कारोबार र ओसार पसार गरेमा १० लाख रुपैयाँसम्म जरिवाना र १५ वर्षसम्म कैद हुने कानूनी व्यवस्था छ । यो समाचार रेडियो कान्तिपुरको अनलाइन पोर्टलबाट साभार गरिएको हो ।
प्रकाशित : २०७७ चैत ४ गते ८:३९

ताजा अपडेट

सम्बन्धित खवर

पितौजीमा २ सय ५६ किलो गाँजा सहित भारतिय ट्रक पक्राउ

पितौजीमा २ सय ५६ किलो गाँजा सहित भारतिय ट्रक पक्राउ

कृषि, व्यापार र धार्मिक पर्यटन प्रवर्द्धनका लागि माघ ११ गतेबाट तेस्रो मध्यबिन्दु महोत्सव

कृषि, व्यापार र धार्मिक पर्यटन प्रवर्द्धनका लागि माघ ११ गतेबाट तेस्रो मध्यबिन्दु महोत्सव

नमूना सदरमुकाममा १२ वटा संघीय कार्यालयको निर्माण सुरु गरिने

नमूना सदरमुकाममा १२ वटा संघीय कार्यालयको निर्माण सुरु गरिने

गुडिरहेको मोटरसाइकललाई बाघले झम्टिदा २ जना घाईते

गुडिरहेको मोटरसाइकललाई बाघले झम्टिदा २ जना घाईते

प्रहरीले निर्घात कुटपिट गरिरहेको भिडियोबारे अनुसन्धान सुरु

प्रहरीले निर्घात कुटपिट गरिरहेको भिडियोबारे अनुसन्धान सुरु

यू-१९ महिला टी-२० विश्‍वकप २०२५ को आफ्नो दोस्रो खेलमा नेपाल स्कटल्याण्डसँग खेल्दै

यू-१९ महिला टी-२० विश्‍वकप २०२५ को आफ्नो दोस्रो खेलमा नेपाल स्कटल्याण्डसँग खेल्दै

Copyright © 25 Integreated Media Company Pvt. ltd., All Rights Reserved.
Website by: SAROJ BHATTARAI