अल्का अस्पतालकी एक कर्मचारीको हत्या
प्रकाशित : २०७७ भदौ २० गते १३:३१
काठमाडौं, २० भदौ । अल्का अस्पतालकी एक कर्मचारीको हत्या भएको छ ।
हत्या गरिएकी ३९ वर्षीय गीता केसीको शव गोदावारी नगरपालिका–१० स्थित लेलेको जंगलमा भेटिएको प्रहरीले बताएको छ ।
हत्यामा संलग्न भएको आशंकामा मृतककी भतिजा निर्मल केसीलाई पक्राउ गरिएको प्रहरीले बताएको छ ।
प्रारम्भिक अनुसन्धानमा गीताको घाँटी थिचेर हत्या गरिएको हुनसक्ने प्रहरीको भनाइ छ ।
उनी केही दिनयता हराइरहेको भन्दै महानगरीय प्रहरी परिसर, ललितपुरमा उजुरी परेको छ । तत्का खोजी कार्य अगाडि बढाएको प्रहरीले शुक्रबार साँझ सो शव फेला पारेको भए पनि शनिबार मात्रै पुष्टि गरेको हो ।
प्रकाशित : २०७७ भदौ २० गते १३:३१
Facebook Comment