कावासोतीमा विद्यार्थी पुर्याएर फर्किएको स्कुल भ्यानमा आगलागी
प्रकाशित : २०८१ जेठ १६ गते १७:१५
कावासोती । कावासोतीको अठ्ठाईस विघामा विद्यालयको भ्यानमा आगलागी भएको छ ।
लर्ड बुद्ध एकेडेमीको बा७च ५९९३ नं.को भ्यानमा मन्टेश्वरी कक्षाका १२ जना विद्यार्थी छोडेर फर्कने क्रममा आगलागी हुँदा भेन जलेर पुर्ण रुपमा नष्ट भएको छ ।
जिल्ला प्रहरी कार्यालय नवलपुरका सूचना अधिकारी वेदबहादुर पौडेलका अनुसार बाटोमा सुकाएको पराल भ्यानको टायरमा अडकिए पछि घर्षण हुँदा निस्केको आगोले भेन जलेको हो ।
भ्यानमा लागेको आगो निभाउने क्रममा चालक कावासोती-१० का रोहित महतोको दुवै हात सामान्री जलेको र उनको स्थानीय मेडिकलमा उपचार भएको पौडेलले बताए ।
प्रकाशित : २०८१ जेठ १६ गते १७:१५
Facebook Comment