विश्वकप लिग टु क्रिकेट : नेपाल अमेरिकासँग खेल्दै
प्रकाशित : २०७९ जेठ २८ गते ९:१६
नवलपुर । अमेरिकामा जारी आईसीसी पुरुष क्रिकेट विश्वकप लिग टु अन्तर्गत नेपालले आज अमेरिकासँग खेल्दैछ । पहिलो खेलमा ओमानसँग पराजित भएको नेपालले दोस्रो खेलमा अमेरिकासँग खेल्न लागेको हो ।
नेपाल र अमेरिका बीचको खेल नेपाली समय अनुसार राति ९ः१५ बजे टेक्ससस्थित मोसा क्रिकेट मैदानमा शुरु हुनेछ । अमेरिकाविरुद्ध मैदानमा उत्रदा नेपाल पहिलो जितको खोजीमा हुनेछ । पहिलो खेलमा ओमानसँग जित नजिक पुगेर पनि १३ रनले पराजित भएपछि नेपालले महत्वपूर्ण २ अंक गुमाएको थियो ।
अमेरिका भने सिरिजमा लगातार दोस्रो जित निकाल्न चाहन्छ । पहिलो खेलमा अमेरिकाले ओमानलाई हराएको थियो । नेपाल भने अमेरिकालाई उसकै भूमिमा हराएर महत्वपूर्ण दुई अंक बटुल्न चाहन्छ ।
अंक तालिका
लिग टु मा ओमान ३४ खेलमा ४२ अंकसहित शीर्ष स्थानमा रहेको छ । स्कटल्याण्ड २० खेलबाट २८ अंकसहित दोस्रो तथा यूएई २२ खेलबाट २६ अंकसहित तेस्रो स्थानमा छ ।
अमेरिका २१ खेलबाट २० अंकसहित चौथो, नामिबिया १४ खेलबाट १४ अंकसहित पााचौं तथा नेपाल १३ खेलबाट १२ अंकसहित छैटौं स्थानमा छ ।
पपुवा न्यूगिनी २० खेलबाट मात्र २ अंकसहित पुछारमा छ ।
Facebook Comment