ओली सरकारको नियुक्ती धमाधम खारेज हुँदै
प्रकाशित : २०७८ कार्तिक ६ गते १०:३८
काठमाडौं । सरकारले पूर्ववर्ती केपी ओली ओली नेतत्व सरकारले गरेका राजनीतिक नियुक्ति धमाधम उल्ट्याउन थालेको छ। सरकारको नेतृत्व फेरिनेबित्तिकै अघिल्लो सरकारले गरेका राजनीतिक नियुक्ति फेरबदल हुने परम्परा नै भएको छ।
ओली सरकारले गरेका केही स्थायी प्रकृतिका नियुक्तिसमेत देउवा सरकारले उल्ट्याएको छ। केही नियुक्तिबारेमा अदालतमा मुद्दा दायर गरिएको छ भने केही मुद्दा विचाराधीन अवस्थामा छन्। राज्यका महत्वपूर्ण अंगमा ओलीले आफ्नो सेटिङ तयार गरेको आरोप त्यसबेला नेपाली कांग्रेस र माओवादी केन्द्रका नेताहरूले लगाएका थिए। ओली सरकार ढल्नेबित्तिकै ओलीले गरेका नियुक्ति संकटमा परेका छन्।
यद्यपि ओली सरकारका सबै नियुक्ति उल्ट्याउने सरकारको नीति नभएको एक मन्त्रीको भनाइ छ। देउवा सरकार गत असार २९ गते गठन भएको थियो। सरकार गठन भएलगत्तै अघिल्लो सरकारले नियुक्ति गरेका लुम्बिनी प्रदेश र गण्डकी प्रदेश प्रमुख धर्मनाथ यादव र सीता पौडेललाई देउवा सरकारले प्रदेश प्रमुखबाट हटायो। साउन ३२ गते प्रदेश २ का प्रदेश प्रमुख राजेश अहिराज झा पनि हटाइए।
सरकारले सुरुमै गृह मन्त्रालय र अर्थ मन्त्रालयमा सचिव फेर्यो। सरकारको नेतृत्व फेरिनेबित्तिकै गृहसचिव फेर्ने परम्परालाई देउवा सरकारले पनि कायम राख्यो। नागरिक दैनिकमा खबर छ ।
Facebook Comment