२,३२८ संक्रमित थपिए, थप १९ जनाको मृत्यु, तीन हजार ६६ निको

काठमाडौं । नेपालमा थप दुई हजार ३२८ जनामा कोरोना संक्रमण पुष्टि भएको छ ।

पछिल्लो २४ घण्टामा १० हजार १३३ स्वाब नमुनाको परीक्षण गरिएकोमा दुई हजार ३२८ जनाको नतिजा पोजिटिभ आएको हो । पाँच हजार ८३७ नमुनाको पीसीआर परीक्षण गर्दा एक हजार ५२७ र चार हजार २९६ नमुनाको एन्टिजेन विधिबाट परीक्षण गर्दा ८०१ जनामा संक्रमण देखिएको हो ।

पछिल्लो २४ घण्टामा देशभर तीन हजार ६६ जना निको भएका छन् । योसँगै नेपालमा कोरोनामुक्त हुनेको संख्या ६ लाख ६ हजार ६६६ पुगेको छ ।

हाल देशभर सक्रिय संक्रमितको संख्या २७ हजार ७१६ रहेको स्वास्थ्य तथा जनसंख्या मन्त्रालयले शनिबार जनाएको छ ।