फेरि घटयो सुनको मुल्य
प्रकाशित : २०७७ भदौ १७ गते ११:४१
काठमाडौं । नेपाली बजारमा सुनको मूल्यमा १२ सय रुपैयाँ प्रतितोलाले गिरावट आएको छ ।
नेपाल सुनचाँदी व्यवसायी महासंघका अनुसार बुधबार १२ सय रुपैयाँले सुनको मूल्यमा गिरावट आएर छापावाल सुनको ९७ हजार २ सय रुपैयाँ प्रतितोला कायम भएको हो ।
यसअघ मंगलबार छापावाल सुनको मूल्य प्रतितोला ९८ हजार ४ सय रुपैयाँ रहेको थियो ।
त्यस्तै तेजावी सुनको मूल्य बुधबार ९६ हजार ७ सय रुपैयाँ प्रतितोला रहेको महासंघले जनाएको छ ।
महासंघका अनुसार बुधबार चाँदीको मूल्य ३० रुपैयाँले घट्दै १३ सय ६५ रुपैयाँ प्रतितोला कायम भएको छ ।
यसअघि मंगलबार चाँदीको मूल्य प्रतितोला १३ सय ९५ रुपैयाँ रहेको थियो ।
प्रकाशित : २०७७ भदौ १७ गते ११:४१
Facebook Comment