लिदी पहिरामा पुरिएका ३० को शव फेला
प्रकाशित : २०७७ भदौ ४ गते २१:४०
काठमाडाैं। गत शुक्रबार बिहान सिन्धुपाल्चोकको जुगल गाउँपालिका–२ लिदीको लामागाउँ पहिरोमा बेपत्ता भएकामध्ये आज थप पाँचको शव फेला परेको छ।
आज तीन महिला, एक पुरुष र एक बालकको शव फेला परेको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक माधवप्रसाद काफ्लेले जानकारी दिए।
आज हिरा दोङ, सानुकान्छा दोङ, बिबिरानी दोङ, ललिता दोङ र सङ ल्हामु पाख्रीन दोङको शव फेला परेको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक काफ्लेले जानकारी दिए।
यससँगै पहिरोमा ज्यान गुमाउनेको संख्या ३० पुगेको छ। ९ जना अझै बेपत्ता छन्।
हालसम्म शव फेला परेकामध्ये १६ पुरूष र १४ महिला छन्। तीमध्ये १४ बालबालिका मात्रै छन् । बेपत्ताको खोजीमा नेपाली सेना, नेपाल प्रहरी र स्थानीयवासी जुटेका छन्।
रासस
प्रकाशित : २०७७ भदौ ४ गते २१:४०
Facebook Comment