प्रधानमन्त्री ओली भन्छन्– ममाथि शारीरिक हमला भए पनि अनौठो नमाने हुन्छ

प्रधानमन्त्री तथा नेकपा ओली समूहका अध्यक्ष केपी ओलीले आफूमाथि सम्पूर्ण रूपमा हमला भएको बताएका छन् । गण्डकी प्रदेशस्तरीय कार्यकर्ता भेला तथा प्रशिक्षण कार्यक्रमलाई पोखरामा सोमबार सम्बोधन गर्दै ओलीले सरकारले प्रभावकारी रूपमा काम गरेको देख्न नसक्नेहरूले सम्पूर्ण रूपमा हमला गरेको जिकिर गरे ।

उनले भने, ‘ममाथि शारीरिक हमला भएर तलमाथि भए पनि अनौठो नमाने हुन्छ ।’ उनले सतर्कता अपनाएको भन्दै प्रतिक्रियावादीसँग घुँडा नटेक्ने बताए । उनले देशलाई अन्धकारमा जानबाट रोक्न आवश्यक रहेको पनि बताए ।