मोटरसाइकलको ठक्करबाट प्रहरी इन्सपेक्टर वाग्लेको मृत्यु
प्रकाशित : २०७८ साउन २६ गते ७:१५
नवलपरासीमा मोटरसाइकलको ठक्करबाट प्रहरी निरीक्षक (इन्सपेक्टर) कपिल वाग्लेको मृत्यु भएको छ ।
तनहुँको म्याग्दे गाउँपालिका ४ घर भएका ४३ वर्षीय कपिल वाग्लेको गएराति रुपन्देहीको भैरहवामा उपचारको क्रममा मृत्यु भएको हो ।
इलाका प्रहरी कार्यालय बर्दघाटमा दरबन्दी भएका वाग्ले हाल निलम्बनमा परेका थिए ।
बाटोमा हिंडिरहेको बेला उनलाई लु १४ प ८७५८ नम्बरको मोटरसाइकलले गएराति आठ बजेतिर ठक्कर दिएको थियो ।
ठक्करबाट गम्भीर घाइते भएपछि उनलाई उपचार गर्न भैरहवास्थित युनिभर्सल कलेज अफ मेडिकल साइन्सेसमा लगिएको थियो ।
प्रकाशित : २०७८ साउन २६ गते ७:१५
Facebook Comment