स्थायी कमिटी अझै सुरू भएन, कोही घाम ताप्दैछन् कोही शीतलनिवास पुगे

NAWALPUR TIMES
प्रकाशित : २०७७ पुष १ गते १४:४५

स्थायी कमिटी अझै सुरू भएन, कोही घाम ताप्दैछन् कोही शीतलनिवास पुगे

काठमाडौं । सत्तारुढ नेपाल कम्युनिष्ट पार्टी (नेकपा) स्थायी कमिटीको बैठक अझै सुरू हुन सकेको छैन । प्रधानमन्त्री निवास बालुवाटारमा १ बजे बोलाइएको बैठक अझै सुरू हुन नसकेको हो । प्रधानमन्त्रीसमेत रहेका अध्यक्ष केपी शर्मा ओली बैठकमा नआउने जानकारी गराएपछि कार्यकारी अध्यक्ष पुष्पकमल दाहाल प्रचण्डले बैठक सुरू गर्न सकेका छैनन् ।

बैठकका लागि पुगेका स्थायी कमिटी सदस्य कोही शीतलनिवास पुगेका छन् भने कोही बालुवाटारमै बैठकको पर्खाइमा छन् । नेकपाका नेताहरू भीम रावल, पम्फा भुसाललगायतका भने शीतलनिवास पुगेका हुन् । लगातार अध्यादेश जारी भएको तर संसद् अधिवेशन आह्वान नभएको भन्दै उनीहरू ध्यानाकर्षणका लागि पुगेका हुन् ।
नेकपाका प्रमुख सचेतक देव गुरूङले हामी सङ कुरा गर्दै संसदको अधिवेशन माग गर्ने विषय सांसदहरुको अधिकारको विषय भएको बताए ।उनले संविधानको धारा (९३) ३ अनुसार सांसदहरुले संसदको अधिवेशन माग गर्न सक्ने बताए ।

प्रकाशित : २०७७ पुष १ गते १४:४५