फुटेको २२ महिनापछि साझा र विवेकशीलबीच फेरि पार्टी एकता
प्रकाशित : २०७७ मंसिर २४ गते १६:२९
काठमाडौं । साझा पार्टी र विवेकशील नेपाली दलबीच आज एकता भएको छ ।
अलग भएको २२ महिनापछि आज बुधबार साझाका संयोजक रविन्द्र मिश्र र विवेकशीलका मिलन पाण्डेले पार्टी एकताको सहमतिमा हस्ताक्षर गरेसँगै दुई पार्टी एक भएको हो ।
पार्टी एकतासँगै अब एकीकृत पार्टीको नाम विवेकशील साझा पार्टी राखिएको छ । एकीकृत पार्टीको अध्यक्षमा मिश्र र संयोजकमा पाण्डे रहेका छन् । चुनाव चिन्ह भने यसअघि साझाको तराजु रहनेछ ।
एकीकृत पार्टीको केन्द्रीय समिति १३० रहेको छ । दुबै पक्षबाट ६५÷६५ जना रहनेछन् । केन्द्रीय समितिको पहिलो बैठकले दुबै पक्षबाट १३÷१३ जना रहने गरी २६ सदस्यीय केन्द्रीय सचिवालयसमेत गठन गरेको छ ।
प्रकाशित : २०७७ मंसिर २४ गते १६:२९
Facebook Comment