चितवनमा पहिलो पटक प्लाज्मा थेरापी गरिएको कोरोना संक्रमित महिलाको मृत्यु

NAWALPUR TIMES

भरतपुर, १९ भदौ
चितवनमा पहिलो पटक प्लाज्मा थेरापी गरिएकी महिलाको उपचारका क्रममा मृत्यु भएको छ ।

चितवन मेडिकल कलेजको कोभिड आइसीयूमा उपचाररत् मकवानपुरको हेटौंडा उपमहानगरपालिका–११ की ५२ वर्षीया महिलाको शुक्रबार दिउँसो १ः४४ बजे मृत्यु भएको अस्पतालले जनाएको छ ।

ती महिलालाई बिहीबार राति मात्रै प्लाज्मा थेरापी गरिएको थियो । डा.शितल अधिकारी र डा.दयाराम लम्सालसहितको समूहले प्लाज्मा थेरापीबाट उनको उपचार गरेको थियो

श्वासप्रश्वास र छातीमा समस्या देखिएपछि ती महिलालाई भदौ ११ गते चितवन मेडिकल कलेजमा भर्ना गरिएको थियो ।