नवलपुरको नमूना सदरमुकाममा करेन्ट लागेर कामदारको मृत्यु
प्रकाशित : २०८२ असार ३० गते १५:५१
कावासोती । नवलपुरको कावासोतीमा करेन्ट लागेर कामदारको मृत्यु भएको छ ।
नवलपुरको कावासोती-३ मा निर्माणाधिन नमूना सदरमुकाममा करेन्ट लागेर कामदारको मृत्यु भएको हो ।
सोमबार दिउसो एक बजेको समयमा सदरमुकाम निर्माण स्थलमा करेन्ट लागेर बर्दिया ठाकुरबाबा घर भई हाल कावासोती दुईमा डेरा गरी बस्ने ३५ वर्षका सरोज थारुको मृत्यु भएको नवलपुर प्रहरीले जनाएको छ ।
नमुना सदरमुकाम निर्माण स्थलमा निर्माणाधीन सरकारी भवनको सभाहलमा फर्मा सेटिङको लागि ड्रिल गर्ने क्रममा थारुलाई करेन्ट लागेको हो । करेन्ट लागेर घाईते भएका थारुलाई उपचारका लागि मध्यविन्दु प्रादेशिक अस्पताल पुर्याईएको थियो । थारुको उपचारको क्रममा मृत्यु भएको डिएसपी मधु नेपालले बताए ।
नमुना सदरमुकाममा समानन्तर जे.बि. , बुद्ध हिमाली कन्ट्रक्सन प्रा.लि.ले निर्माणको काम गरिरहेको छ । मृतक थारु सोही कन्ट्रक्सनमा मिस्त्रीको काम गर्दै आइरहेको प्रहरीले जनाएको छ ।
Facebook Comment