प्रेमसम्बन्ध विवादमा भएको झडपमा घाइतेको मृत्यु
प्रकाशित : २०८१ फागुन १३ गते २१:३५
कावासोती । पश्चिम नवलपरासीको पाल्हीनन्दन गाउँपालिका बेलासपुरमा दुई समूहबिच झडपमा गम्भीर घाइते भएका विजय धवलको मृत्यु भएको छ । उनको भैरहवाको सिटी अस्पतालमा मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक नारायण थापाले जानकारी दिए ।
गम्भीर घाइते भएको विजय धवल र वैजनाथ लोहनियलाई भैरहवा सिटी अस्पतालमा उपचारको लागि ल्याएको थियो । घटनाका घाइते स्थानीय ३ जनाको नवलपरासी पृथ्वी चन्द्र अस्पताल उपचार भइरहेको छ ।
स्थानीय एक जोडीको प्रेम विवाहको विषयलाई लिएर बेलासपुर र प्रसौनीका केही व्यक्तिबिच झडप भएको प्रहरीले जनाएको छ ।
केटा पक्षकाले केटी पक्षका घरमा आएर आगजनीको प्रयास गरेपछि प्रहरीले असुर ग्यास तथा हवाई फायर गरेको थियो ।
प्रकाशित : २०८१ फागुन १३ गते २१:३५
Facebook Comment