नेपालविरुद्धको शृंखलाका लागि वेस्टइन्डिजको टोली घोषणा

कावासोती । दुई सातापछि यूएईको शारजाहामा हुने ट्वान्टी–ट्वान्टी शृंखलाका लागि वेस्टइन्डिजले नेपालसँग खेल्ने टोली घोषणा गरेको छ । अकिल हुसेनको कप्तानीमा १५ सदस्यीय टोली घोषणा गरेको हो ।

वेस्टइन्डिजको टोलीमा ६ जना खेलाडी ट्वान्टी–ट्वान्टी आईमा डेब्यू गर्दैछन् । पहिलो रोजाईका खेलाडीमा अकिल मात्रै रहेका छन् ।

यस्तै जेसन होल्डर, केसी कार्टी, फबिएन एलेन, कायल मेयर्स र ओबेद म्याकोय राष्ट्रिय टोलीमा खेलिसकेका खेलाडी छन् । १५ सदस्यीय टोलीमध्ये ९ जना यसअघि नै अन्तर्राष्ट्रिय खेलमा डेब्यू गरिसकेका खेलाडीहरु छन् ।

यस्तै अन्य खेलाडीहरु घरेलु लिग र क्यारेवियन प्रिमियर लिगमा राम्रो प्रदर्शन गरेका युवा खेलाडीहरु रहेका छन् ।

वेस्टइन्डिज क्रिकेट बोर्डले टोली घोषणासँगै नयाँ युवा खेलाडीहरुलाई यस सिरिजमा प्राथमिकता दिनुको कारण आगामी ट्वान्टी–ट्वान्टी विश्वकपको टिम निर्माण गर्नका लागि रहेको उल्लेख गरेको छ ।

नेपालविरुद्ध खेल्ने वेष्टइण्डिजका खेलाडी :

अकिल हुसेन, फबिएन एलेन, जवेल एन्ड्रयु, एकिम, अगष्ट,नविन बिडाइसे, जेडिया ब्लेड्स, केसी कार्टी,करिमा गोर, जेसन होल्डर, अमिर जांगो, कायल मेयर्स, ओबेद म्याककोय, जिशान मोतरा, रामोन सिमन्ड्स र शमार स्प्रिंगर ।