युनाइटेड गोल्डकपको उपाधि नवज्योति हसौरालाई
प्रकाशित : २०८२ भदौ २१ गते १८:५०
कावासोती । हुप्सेकोटमा जारी ३९औं युनाइटेड गोल्डकप फुटबल प्रतियोगिताको उपाधी नवज्योति युवा क्लब हसौराले जितेको छ ।
शनिबार सम्पन्न फाईनल खेलमा चोरमारा युवा क्लबलाई १-० गोल अन्तरले हराउदैँ हसौराले उपाधी जितेको हो । नवज्योति हसौराका लागि खेलको २८ औं मिनेटमा विमल घर्ती मगरले गरेको गोलनै निर्णायक भएको हो ।
यो सँगै हसौराले नगद २ लाख ६० हजार ट्रफी हात पारेको छ भने उपविजेता चोरमारा युवा क्लबले १ लाख ५१ हजार नगद र ट्रफी हात पारेको हो ।
फाईनल खेलको म्यान अफ द म्याच समेत बिमल घर्ती मगरनै भएका छ्न । त्यसै गरि प्रतियोगिताको सर्वाधिक गोलकर्ता चोरमारा युवा क्लबका सुजित बुढाथोकी भए । उनले प्रतियोगिता अवधिभर ५ गोल गरेका थिए । प्रतियोगिताको बेस्ट प्लेयरको उपाधी भने नवज्योति हसौराका नवीन महतोले पाएका छ्न ।
गत भदौ ६ गते देखि सुरु भएको प्रतियोगिताममा १६ टिमले सहभागीता जनाएका थिए ।
Facebook Comment