दाउन्नेमा भासिएको सडक पुरेर एकतर्फी सवारी सञ्चालन

कावासोती । महेन्द्रराजमार्गअन्तर्गत दाउन्नेमा भासिएको सडक पुरेर एकतर्फी सञ्चालनमा ल्याइएको छ। बिहान साढे ५ बजेदेखि बाटो अवरुद्ध भएको थियो।

जिल्ला प्रहरी कार्यालय परासीका अनुसार बर्दघाटबाट पूर्व खुर्सानी खोला नजिक राजमार्ग भासिएको थियो। अहिले भासिएको ठाउँमा पुरेर एकतर्फी सडक खुलाइएको प्रहरीले जनाएको छ। जिल्ला प्रहरी कार्यालय परासीका डीएसपी वीरदत्त पन्तका अनुसार बर्दघाटदेखि पूर्व खुर्सानी खोला नजिक भासिएको सडक पुरेर पालैपालो यातायात संचालन गरिएको छ।