नवलपुरमा ३० अर्ब बढि राजस्व संकलन
प्रकाशित : २०८२ साउन ३ गते १६:४०
कावासोती । नवलपुरमा आर्थीक वर्ष २०८१/८२ मा ३० अर्ब बढि राजस्व संकलन भएको छ ।
कोष तथा लेखा नियन्त्रकको कार्यालय नवलपुरका कोष नियन्त्रक जीत नारायण महतोका अनुसार आर्थीक वर्ष २०८१/८२ मा संघीय तथा प्रदेश सरकारलाई हस्तान्तरण हुने ३० अर्ब ६९ करोड ६६ हजार ५६ लाख छ सय ३८ रुपियाँ राजस्व संकलन भएको हो ।
कोष नियन्त्रक महतोका अनुसार गत आ.व २०८१/८२मा संघ तर्फ ३० अर्ब ११ करोड ७७ लाख ५ सय ८२ रुपियाँ राजस्व संकलन भएको हो । संघ तर्फ सबै भन्दा धेरै राजस्व आन्तरिक राजस्व कार्यालय कावासोतीले संकलन गरेको छ । यो कार्यालयले २९ अर्ब ९५ करोड ३९ लाख ७ हजार ५ सय ४१ रुपियाँ राजस्व संकलन गरेको हो ।
संघमा हस्तान्तरण हुने राजस्व
त्यसै गरि नवलपुरबाट प्रदेश सरकारलाई हस्तान्तरण हुने राजस्व ५७ करोड ८९ लाख ५६ हजार ५५ रुपियाँ संकलन भएको कोष नियन्त्रक महतोले जानकारी दिए । महतोका अनुसार गत आ.वमा प्रदेश सरकारलाई हस्तान्तरण हुने राजस्व मध्ये सबै भन्दा धेरै यातायात व्यवस्था कार्यालयले संकलन गरेको हो । यो कार्यालयले सबै गत आ.व २०८१/८२ मा २८ करोड ४५ लाख ८७ हजार ९८ रुपियाँ राजस्व संकलन गरेको हो ।
प्रदेशमा हस्तान्तरण हुने राजस्व
Facebook Comment