एकपटक संक्रमण भएपछि १० महिनासम्म कोरोनाको जोखिम न्यून

एकपटक कोरोना संक्रमण भएपछि १० महिनासम्म पुनः संक्रमण हुने जोखिम न्यून हुने एक अध्ययनले देखाएको छ ।प्रतिष्ठित ल्यासेन्ट जर्नलमा हालै प्रकाशित एक अध्ययनको नतिजाअनुसार एकपटक कोरोना संक्रमित भएपछि शरीरमा १० महिनासम्म एन्टिबडी सक्रिय रहने देखिएको छ ।

अध्ययनको नेतृत्व गरिरहेकी मारिया कुर्तिकोभ भन्छिन्– एकपटक संक्रमित व्यक्ति कम्तीमा १० महिनासम्म सुरक्षित देखिनु साह्रै सुखद् कुरा हो, दोहोर्‍याएर संक्रमित हुनेको प्रतिशत निकै कम देखिएको छ ।’

यो अध्ययनमा कोरोना संक्रणविरुद्धको खोप लगाएका मानिसहरु भने सहभागी थिएनन् । खोप लगाएका व्यक्तिको एन्टीबडी र प्रतिरोधी क्षमताबारे बेग्लै अध्ययन गरिने उनीहरुले बताएका छन् ।