रुकुम घटनाको दोषीहरुलाई हदै सम्मको कार्वाहीको माग गर्दै कावासोतीमा युवाहरुको प्रदर्शन
प्रकाशित : २०७७ जेठ १५ गते २०:२२
कावासोती । रुकुम घटनाका दोषीहरुलाई हदै सम्मको कार्वाहीको माग गर्दै “साथ सबैको अभियान” कावासोतिले आज शान्तिपुर्ण बिरोध प्रदर्शन गरेको छ । मृतकको आत्मशान्तिका लागी मौन धारण गरेर कावासोतिमा सुरु गरिएको बिरोध कार्यक्रममा “जातिय भेदभाव अन्त्य गर,दोषिलाइ कारबाही गर,छुवाछुत प्रथा ब्यवहारबाटै परिवर्तन गरौ ” सहितका नारा र पम्प्लेट सहित प्रदर्शन गरिएको थियो ।
बिरोध कार्यक्रममा बोल्दै “साथ सबैको” अभियानका संयोजक आर.सि.भट्टराईले छुवाछुत प्रथा हटाउन सबै एक ठाउँमा उभिनु पर्ने भन्दै पिडितले न्याय र पिडकले सजाय नपाउदा सम्म बिरोध र खबरदारिको कार्यक्रम जारी राख्ने बताए । कार्यक्रममा “साथ सबैको” अभियानका अभियन्ता तथा अन्य सामाजिक अभियन्ताहरुको उपस्थिति रहेको थियो ।
प्रेमिकासँग विवाहा गर्न साथीहरु सहित रुकुम पश्चिमको चौरजहारी नगरपालिका -८ सोतिमा पुगेका नवराज बिक सहित युवाहरूको समुहलाई स्थानीयले आक्रमण गरेका थिए । स्थानीयको आक्रमण बाट बच्न नदिमा हाम फालेका नवराज बिक सहित ५ जनाको मृत्यु भएको छ ।
यो पनि हेर्नुहोस ।
Facebook Comment