वुमन्स एसिया कपः भारतविरुद्ध भिड्दै नेपाल, सेमिफाइनल पुग्न जित्नैपर्ने दबाबमा
प्रकाशित : २०८१ साउन ८ गते ८:५०
कावासोती । एसिसी महिला एसिया कप क्रिकेट प्रतियोगिताको समूह चरण अन्तर्गत आफ्नो अन्तिम खेलमा नेपालले आज भारतसँग खेल्दैछ ।
श्रीलंकाको रंगिरी डम्बुला अन्तर्राष्ट्रिय क्रिकेट मैदानमा हुने खेल नेपाली समयअनुसार बेलुका सवा ७ बजेबाट सुरु हुनेछ।
सेमिफाइनलमा पुग्नका लागि नेपाललाई आजको खेलमा भारतलाई जित्नैपर्ने दबाब छ ।
पहिलो खेलमा यूएईलाई ६ विकेटले हराएको नेपाल दोस्रो खेलमा पाकिस्तानसँग ९ विकेटले पराजित भएको थियो ।
समूह ‘ए’ मा नेपाल र पाकिस्तानको समान २–२ अङ्क छ । भारतले २ खेल जितिसकेको छ । यूएई २ खेलमा पराजित भएको छ ।
सन् २०१६ मा भएको एसिया कपमा नेपाल र भारतकाे भेट भएको थियाे । उक्त खेलमा नेपाल भारतसँग ९९ रनले पराजित भएकाे थियाे । ८ वर्षपछि नेपालले भारतसँग बदला लिने माैका पाएकाे छ ।
प्रकाशित : २०८१ साउन ८ गते ८:५०
Facebook Comment