नवलपुर अपडेट : कावासोतीमा ९ सहित नवलपुरमा थप १० जनामा कोरोना संक्रमण
प्रकाशित : २०७७ भदौ १९ गते १३:३८
कावासोती । नवलपुरको कावासोती नगरपालिकामा थप ९ र गैंडाकोटमा १ सहित जिल्लामा १० जनामा कोरोना संक्रमण देखिएको छ ।
पोखरा बाट प्राप्त रिपोर्ट अनुसार संक्रमण देखिएकाहरुमा कावासोती नगरपालिका वडा नं १६ का ११ वर्षीय बालिका, ३० र २७ वर्षिय महिला, ३८ र ४३ वर्षीय पुरुष गरि ५ जना, कावासोती नगरपालिका वडा नं ३ का २८,३० र ७५ वर्षीय ३ पुरुष र ३३ वर्षीय १ महिला रहेका छ्न । त्यस्तै गैंडाकोट नगरपालिकाकि ३ वर्षीय बालिकामा पनि संक्रमण पुष्टि भएको जिल्ला स्वास्थ्य कार्यालय नवलपुरका प्रमुख केशव चापागाईंले बताए ।
यस अघि आजै गैंडाकोटमा १६ र देवचुलीमा १ सहित १७ जनामा संक्रमण देखिएको थियो ।
यो सँगै जिल्लामा संक्रमितको संख्या ५३० जना पुगेको छ भने संक्रिय संक्रमितको संख्या १६२ पुगेको छ । हालसम्म निको हुने ३६६ जना रहेको छन भने २ जना संक्रमितको मृत्यु भएको छ ।
प्रकाशित : २०७७ भदौ १९ गते १३:३८
Facebook Comment