मध्यबिन्दु नगरपालिकामा नगर स्तरीय झम्टा प्रतियोगिता सम्पन्न, पाँच पाण्डव महिला समुह प्रथम

काशिराम महतो, कावासोति । थारु महिलाहरुको महान पर्व जितियको अवसरमा मध्यबिन्दुमा आयोजित नगर स्तरीय झम्टा कार्यक्रम सोमबार सम्पन्न भएको छ । “स्वास्थ्य , सरसफाइ मानवमुल्ययुक्त खुसी शिक्षा महिला सशक्तीकरण र समाज रुपान्तरणको अपेक्षा ” को मुल भावमा बनेको गितमा ३९ महिला समूहले आफ्नो प्रस्तुति दिएका थिए।

प्रतियोगितामा पाँच पाण्डव महिला समुह ,मध्यबिन्दु -४ मदनपुर प्रथम, जन सुधार महिला समुह मध्यविन्दु-२ दोस्रो र जन जागृती महिला समुह ,मध्यबिन्दु-४ लुसलहरी तेस्रो भएका छन । प्रथमले १५००० नगद र प्रमाणपत्र , दोस्रो हुने समुहले नगद १२००० र प्रमाणपत्र र तेस्रो हुने समुहले नगद ९५०० र प्रमाणपत्र प्राप्त गरेका छ्न भने नवनिर्मित आमा समुह, मध्यविन्दु-४ पनौतीले सान्त्वना पुरस्कार र उत्कृष्ट शब्द संयोजन तर्फ बिचली महिला समुह लेढा पुरस्कृत भएका थिए ।

मध्यबिन्दु नगरपालिकाकि उप प्रमुख पुर्णकला चौधरीको अध्यक्षतामा, नगर प्रमुख भिमलाल अधिकारी प्रमुखको आतिथ्यता सम्पन्न प्रतियोगितामा प्रशासकीय अधिकृत रमेश घर्ती, नगर भित्रका वडा अध्यक्षहरु, नगरपालिकाका कर्मचारीहरुको उपस्थिति रहेको थियो ।