भारी वर्षाका कारण मुग्लिन नजिकको पहिरो फाल्न समस्या, गएरातिदेखि यात्रुहरू अलपत्र

अविरल वर्षासँगै पहिरो खस्ने क्रम नरोकिएपछि पहिरो पन्छाउन सकिएको थिएन ।

बिहीवार बिहान करिब ९ः ४० पछि भने वर्षा केही कम भएको र पहिरो पन्छाउने क्रम शुरू गरिएको इन्स्पेक्टर तामाङले जानकारी दिए ।

उनले भने,‘बिहान ठूलो पानी परेपछि पहिरो पन्छाउन सकिएन । अहिले शुरू गरिएको छ । रातिदेखि यात्रुहरू अलपत्र छन् ।’

उनका अनुसार अब पानी ठूलो नपरेमा एक घन्टाभित्रमा पहिरो पन्छाएर एकतर्फी सवारी साधन चलाउन सकिनेछ ।

पहिरो गएको यो ठाउँ मुग्लिन र मनकामना केबुलकारको बीचमा पर्दछ ।